“HƏMAS ABŞ-nin İsrail məhbuslarının, o cümlədən hərbi qulluqçuların və kişilərin azad edilməsi üçün danışıqlara başlamaq təklifini qəbul edir”.
Yeniavaz.com “Reuters”ə istinadən xəbər verir ki, bu barədə anonim qalmaq istəyən HƏMAS nümayəndəsi bildirib.
Bildirilir ki, Qəzza zolağında müharibəyə son qoymaq üçün razılaşmanın birinci mərhələsinin başlamasından 16 gün sonra danışıqlara başlanacağı gözlənilir.
Agentliyin həmsöhbətinin sözlərinə görə, HƏMAS girovların azad edilməsi ilə bağlı danışıqlar başlamazdan əvvəl İsrailin daimi atəşkəs elan etməsi tələbindən imtina edir. Fələstin fraksiyası razıdır ki, belə bir razılaşma altı həftə çəkməli olan danışıqların birinci mərhələsində əldə edilməlidir.
Fələstinli mənbə hesab edir ki, İsrail də ABŞ-nin danışıqlar təklifini qəbul edərsə, bu, gələcəkdə çərçivə sazişinin hazırlanmasına və nəticədə Qəzza zolağında müharibənin bitməsinə gətirib çıxara bilər.
ABŞ-nin təklifi müvəqqəti atəşkəsin birinci mərhələsini, İsrail qoşunlarının çıxarılmasını və Qəzza zolağına humanitar yardımın çatdırılmasını tələb edir, tərəflər planın ikinci mərhələsinə keçməyi müzakirə edirlər.
“Reuters”in mənbələrə istinadən verdiyi məlumata görə, ABŞ Prezidenti Co Bayden administrasiyası növbəti prezident seçkilərinə qədər Qəzza zolağında sülh razılaşmasının əldə olunmasını təmin etmək üçün hər cür səy göstərəcək.
Tətbiqimizi yükləyə bilərsiniz
