Türkiyə millisinin futbolçusu Merih Demirala Avropa çempionatında Avstriya yığmasına vurduğu qoldan sonra göstərdiyi “bozqurd” işarəsi ilə bağlı cəza verilib.
Yeniavaz.com “NTV Spor”a istinadla xəbər verir ki, UEFA milli futbolçunun AVRO-2024-dəki kritik Hollandiya oyunu öncəsi 2 oyunluq cəzalandırıb.
UEFA Apellyasiya Qurumunun qərarında göstərilir ki, Türkiyə millisinin üzvü Merih Dəmiralı ümumi davranış prinsiplərinə əməl etmədiyinə, əsas davranış qaydalarını pozduğuna, idman tədbirlərindən qeyri-idman xarakterli təzahürlər üçün istifadə etdiyinə, həmçinin futbol idman növünü nüfuzdan saldığına görə 2 oyunluq diskvalifikasiya edilib.
Türkiyə Futbol Federasiyasının məsələ ilə bağlı İdman Arbitraj Məhkəməsinə (CAS) müraciət edəcəyi bildirilir.
Tətbiqimizi yükləyə bilərsiniz
