Fransada 218 nəfər namizədliyini geri götürdü


Fransada növbədənkənar parlament seçkilərinin ikinci turunda iştirakdan imtina edən namizədlərin sayı 218 nəfər olub.
Yeniavaz
.com xəbər verir ki, bu barədə “Le Monde” qəzeti məlumat yayıb.
Onlar Cordan Bardell və Marine Le Penin sağçı “Milli birlik” partiyasının qələbəsinin qarşısını almaq üçün daha güclü namizədlərin xeyrinə öz namizədliklərini geri götürüblər.
Bildirilir ki, solçu “Yeni xalq cəbhəsi” alyansının 130 nümayəndəsi, “Respublika naminə birlikdə” prezident koalisiyasının 82 namizədi və “Respublikaçılar” liberal partiyasından 3 siyasətçi seçki yarışında yerlərini tərk eidb. Bundan başqa, “Milli birliy”in üç nümayəndəsi namizədliyini geri götürüb.
Xatırladaq ki, iyunun 30-da keçirilən növbədənkənar parlament seçkilərinin birinci turunun nəticələrinə görə, “Milli birlik” partiyası 33 faiz səslə irəli çıxıb. “Yeni xalq cəbhəsi” 28%, “Respublika naminə birlikdə” koalisiyası isə 20% səs toplayıb. İyulun 7-də baş tutacaq ikinci tur həlledici olacaq.
Milli Assambleyanın 577 deputatı var. Mütləq çoxluğu əldə etmək üçün bir partiya 289 mandat qazanmalıdır.

DİGƏR XƏBƏRLƏR

Top