Mbappe maskada oynamağı “kabus” adlandırdı

Fransa millisinin hücumçusu Kilian Mbappe AVRO-2024-ün 1/8 finalında Belçika ilə oyun ərəfəsində qoruyucu maskada oynamağı “kabus” adlandırıb.
Yeniavaz.com xəbər verir ki, bu barədə “RMC Sport” məlumat yayıb.
Məlumata görə, o, maskada oynamağın çətin olduğunu və baxışı məhdudlaşdırdığını bildirib.
“Maska ilə oynamaq tam bir kabusdur. Mən maskamı dəyişməli oldum. Çünki hər dəfə nə isə yolunda getmədi. O, baxışınızı məhdudlaşdırır və üstəlik tər yığılır. Təri boşaltmaq üçün isə onu çıxarmaq lazımdır. Hiss olunur ki, o, 3D printerlə hazırlanıb”, - Mbappe qeyd edib.
Qeyd edək ki, Mbappenin burnu qrup mərhələsinin ilk matçında Avstriya ilə oyunda sınıb. Fransa o oyunda Avstriyaya 1:0 hesabı ilə qalib gəlib. Fransa D qrupunda ikinci yeri tutaraq, Avro-2024-ün pley-off mərhələsinə vəsiqə qazanıb.