SOCAR-ın borcları 18,9 milyarddan 17,8 milyarda düşüb

Dövlət Neft Şirkətinin (SOCAR) uzunmüddətli borcları 12 milyard 127 milyon manat olub.
Yeniavaz.com xəbər verir ki, bu barədə məlumat şirkətin illik maliyyə hesabatında yer alıb.
Qeyd edək ki, 2022-ci illə müqayisədə SOCAR-ın uzunmüddətli borcları 9% və ya 993 milyon manat artıb.
Onu da bildirək ki, SOCAR-ın qısamüddətli borcları ilə uzunmüddətli borc öhdəliklərinin cari hissəsi cəmi 5 milyard 707 milyon manat olub. Son bir ildə bu göstərici 26,3% və ya 2 miyard 39 milyon manat azalıb.
Açıqlanan məlumatlardan da göründüyü kimi, son bir ildə SOCAR-ın ümumi borc öhdəliyi 18 milyard 880 milyon manatdan 17 milyard 837 milyon manata düşüb.

Elnur Əli