DİN silahlı insidentdə ölən polislərin fotosunu yaydı – Yenilənib

Daxili İşlər Nazirliyi bu gün baş verən silahlı insidentdə dünyasını dəyişən polis əməkdaşlarının fotolarını yayıb.
Yeniavaz.com həmin fotoları təqdim edir:


***09:40
“Paytaxtın Xəzər rayonu Şüvəlan qəsəbəsində iyunun 24-də əvvəllər dəfələrlə məhkum olunmuş, hazırda axtarışda olan 1986-cı təvəllüdlü Allahverdiyev Rövşən Oqtay oğlu polis əməkdaşları tərəfindən saxlanılarkən silahlı müqavimət göstərib”.
Yeniavaz.com xəbər verir ki, bu barədə Daxili İşlər Nazirliyinin (DİN) və Baş Prokurorluğun yaydığı birgə məlumatda bildirilib.
Bildirilib ki, o, polis əməkdaşlarına mane olmaq məqsədilə ailə üzvlərini önə verərək yayınmağa və cavab tədbirlərinin qarşısını almağa cəhd edib, yaranmış vəziyyətdən istifadə edərək “Lancaster” markalı ov silahından atəş açaraq 3 nəfər polis əməkdaşını və 1 nəfər mülki vətəndaşı qətlə yetirib.
“Davam etdirilən tədbirlərlə R.Allahverdiyev polis əməkdaşları tərəfindən zərərsizləşdirilmişdir.
Faktla bağlı cinayət işi başlanılıb, istintaq hərəkətləri davam etdirilir”, - məlumatda deyilir