“Qəzza zolağında hakimiyyət İsrailin təhlükəsizlik maraqlarını nəzərə alaraq beynəlxalq ictimaiyyətin dəstəyi ilə fələstinlilər tərəfindən həyata keçirilməlidir”.
Yeniavaz.com xəbər verir ki, bu barədə Böyük Britaniya, Almaniya, ABŞ və Fransa liderlərinin birgə bəyanatında deyilir.
“Onlar Fələstin Muxtariyyəti və Baş nazir Məhəmməd Mustafanın islahat gündəmini dəstəklədiklərini bir daha təsdiqlədilər və onun hökumətinə, o cümlədən İsrail hökumətinin gəlir transferləri kontekstində regional və beynəlxalq yardımın artırılmasına çağırdılar. Bununla əlaqədar olaraq, onlar müvafiq beynəlxalq dəstək və İsrailin təhlükəsizlik maraqlarını nəzərə almaqla Qəzza zolağında qanuni Fələstinin idarəçiliyinin bərpasının vacibliyini vurğulayıb”, - məlumatda deyilir.
Liderlər hamı üçün uzunmüddətli regional təhlükəsizliyi təmin etmək və belə bir böhranın təkrarlanmasının qarşısını almaq üçün Qəzza zolağında sabitləşməyə dəstək vermək üçün beynəlxalq səylərə töhfə vermək niyyətində olduqlarını vurğulayıb.
Onlar həmçinin ABŞ Prezidenti Co Baydenin Qəzzada atəşkəs üçün təklif etdiyi sazişin həyata keçirilməsi üçün birgə işləməyə davam etmək zərurətinə də işarə ediblər.
Bundan əlavə, liderlər Livanda sabitliyin qorunmasının vacibliyinə diqqət çəkərək, bütün tərəfləri regional gərginlikdən çəkinməyə çağırıblar.
Tətbiqimizi yükləyə bilərsiniz
