İsrail ordusu Qəzza zolağının mərkəzi hissəsində HƏMAS hərəkatının silahlı qanadına qarşı yeni hücum əməliyyatına başlayıb.
Yeniavaz.com xəbər verir ki, bu barədə ordunun mətbuat xidməti məlumat yayıb.
Bildirilir ki, əməliyyat Əl-Bureyc qaçqın düşərgəsi ərazisində quru və hava qüvvələri tərəfindən eyni vaxtda həyata keçirilir:
“İsrail Hərbi Hava Qüvvələrinin qırıcıları havada HƏMAS-ın hədəflərinə zərbələr endirir, quruda isə piyadalar kəşfiyyat məlumatlarına əsaslanaraq hədəfli hərəkətlər edir”.
Qeyd edilir ki, İsrail qoşunları sonuncu dəfə Əl-Bureyca bölgəsində yanvar ayında əməliyyat keçirib, bundan sonra Qəzza zolağının həmin hissəsindən çıxarılıb.
Tətbiqimizi yükləyə bilərsiniz
