Mahmud Əhmədinejad prezidentliyə namizədliyini irəli sürdü

Mahmud Əhmədinejad iyunun 28-də İranda keçiriləcək prezident seçkilərində mümkün namizəd kimi qeydə alınıb.
Yeniavaz.com “Mehr” agentliyinə istinadən xəbər verir ki, Əhmədinejad 2005-2013-cü illərdə İranın altıncı prezidenti olub.
Bundan əvvəl İranın hazırkı mədəniyyət naziri Məhəmməd Mehdi İsmaili və İranın keçmiş vitse-prezidenti Məsud Zəribafan da seçki yarışına çıxıblar.
İranda prezident seçkilərində iştirak etmək üçün qeydiyyat prosesi mayın 30-da başlayıb.
İran siyasətçiləri Məsud Pezeşkian, Əlirza Zakani, Seyid Əhməd Rəsulinəjad, Həbibullah Damardeh, Seyid Məhəmməd Rza Mirtajodini, Fəda-Hüseyn Maleki, Zohreh Elahian və Vahid Haqanian şənbə günü İranda iyunun 28-də keçiriləcək prezident seçkilərində mümkün namizədlər kimi qeydiyyatdan keçiblər.