Avropanın rəmzi yığması açıqlandı

Avropanın bu il üçün rəmzi yığması açıqlanıb.
Yeniavaz.com xəbər verir ki, yığmanı Avropanın ən yaxşı 5 liqası əsasında “WhoScored” portalı açıqlayıb.
Yığmada ən çox futbolçu (4) Almaniya Bundesliqasını təmsil edir. 3 futbolçu İngiltərə Premyer Liqasının, 2 futbolçu Fransa Liqa 1-nin, 1 futbolçu İtaliya A Seriyasının, 1 futbolçu İspaniya La Liqasının təmsilçisidir.
Portalın açıqlamasına görə, komanda aşağıdakı kimi formalaşıb:
Qapıçı: Canluici Donnarumma (PSJ, 7,14).
Müdafiəçilər: Coşua Kimmix (“Bavariya”, 7,13), Vircil van Deyk (“Liverpul”, 7,15), Alessandro Buoncorno (“Torino”, 7,14), Alexandro Qrimaldo (“Leverkuzen”, 7,58) .
Yarımmüdafiəçilər: Bukayo Saka (“Arsenal”, 7,67), Cud Bellinqem (“Real Madrid”, 7,81), Rodri (“Mançester Siti”, 7,62).
Hücumçular: Kilian Mbappe (PSJ, 7,71), Harri Keyn (“Bavariya”, 7,82), Seru Qirassi (“Ştutqart”, 7,73).
Qeyd edək ki, rəmzi yığma il ərzində oyunçuların orta reytinqi əsasında tərtib edilir.