“Belarus Prezidenti Aleksandr Lukaşenkonun rusiyalı həmkarı Vladimir Putinə verdiyi xüsusi “Cavanlıq” salatı bir tərkib hissəsi sayəsində çox sağlamdır”.
Yeniavaz.com xəbər verir ki, bu barədə Rusiyanın Dövlət Təhsil Universitetinin Təbiət Elmləri fakültəsinin dekanı vəzifəsini icra edən İrina Lyalina “Life”a müsahibəsində bildirib.
Qeyd olunur ki, Lukaşenkonun sevimli salatına yaşıl soğan, yumurta, xama və dəniz duzu daxildir. Lyalinanın sözlərinə görə, soğan yüksək qələviləşdirici məhsuldur, turşu-qələvi balansını bərabərləşdirmək üçün çox faydalıdır:
“PH-da kiçik sapmalar bütün bədən sisteminin mühüm funksiyalarını pozur. Qələvi qida, zülalların və yağların mübadiləsində, həmçinin əlavə kilo yığmaq əvəzinə karbohidratların qiymətli enerjiyə çevrilməsində iştirak edən ən çox metabolik proseslərə təsir göstərir. Hər kəsin ən azı həftədə bir dəfə bu cür “yaşıl” qidaya ehtiyacı var.
Həmçinin, yaşıl soğanda az kalori var, zülallar və yağlar yoxdur, praktiki olaraq karbohidratlar yoxdur, yalnız vitaminlər və minerallar, o cümlədən A, C, K, B4, fol turşusu, kalsium, maqnezium, fosfor, sink, kalium var. Bundan əlavə, soğanın tərkibindəki flavonoidlər və quercetin əla immunomodulyatorlardır”.
Mütəxəssis salatın tərkibində olan digər məhsulların da faydalı olduğunu qeyd edib: yumurta zülal və yağ mənbəyidir, duz yeməyi daha zəngin dad verir, xamanın tərkibində olan süd turşusu bakteriyaları isə həzm sistemi üçün faydalıdır.
Tətbiqimizi yükləyə bilərsiniz
