XİN Türkiyəyə başsağlığı verdi

Azərbaycan Xarici İşlər Nazirliyi (XİN) Türkiyəyə başsağlığı verib.
Yeniavaz.com xəbər verir ki, bu barədə Nazirliyin “X” sosial şəbəkəsindəki hesabında məlumat dərc olunub.
“Mersin magistral yolunda çoxsaylı insanın vəfat etməsi və yaralanması ilə nəticələnən qəza xəbəri bizi dərindən kədərləndirdi. Qəzada həlak olan insanlara Allahdan rəhmət, yaralılara şəfa diləyirik”, - məlumatda qeyd edilib.
Qeyd edək ki, Türkiyənin Mersin şəhərinin Tarsus rayonunda zəncirvari yol-nəqliyyat hadisəsi olub, nəticədə 39 nəfər yaralanıb, 10 nəfər ölüb.