“Yaşlı insanlar süd məhsullarını normada istehlak etməlidirlər”.
Yeniavaz.com xəbər verir ki, bunu nutrisioloq Katerina Kuzina "Veçernaya Moskva"ya deyib.
Kuzina qeyd edib ki, süd və süd məhsulları yetkinlik dövründə sağlamlığı qorumaq üçün lazım olan maddələrlə zəngindir:
“Onların tərkibində sümüklərin möhkəmlənməsinə kömək edən kalsium, yüksək keyfiyyətli zülallar, B vitaminləri, həmçinin enerji mübadiləsi və sinir sisteminin fəaliyyəti üçün vacib olan riboflavin və vitamin B12 var”.
Eyni zamanda, Kuzina, yaşlı bir insanın süd məhsullarının tərkibində olan laktoza, şəkərə daha az dözümlü olduğunu göstərən araşdırmalara istinad edib:
“Buna görə süd məhsulları istehlak edən yaşlı insanlarda şişkinlik, qaz və həzmsizlik müşahidə edilə bilər. Bu qidaları ehtiyatsız yemək osteoartrit, sızanaq və bəzi xərçəng növlərinin inkişafına gətirə bilər. 50 yaşdan sonra süd məhsullarından imtina etmək qərarı həkimlə məsləhətləşdikdən sonra fərdi olaraq qəbul edilməlidir. Əgər süd məhsullarının istehlakı ilə bağlı laktoza dözümsüzlüyü və ya digər sağlamlıq problemləriniz yoxdursa, onları orta səviyyədə istehlak etmək faydalı ola bilər. İstənilən halda, süd məhsullarını qida rasionunuzdan çıxarmaq qərarına gəldiyiniz halda, kalsium, zülal və digər vacib qidaların alternativ mənbələrdən adekvat qəbulunu təmin etmək vacibdir”.
Tətbiqimizi yükləyə bilərsiniz
