“Fələstin dövlətinin İrlandiya, İspaniya və Norveç tərəfindən tanınması fələstinli radikallar üçün yalnız terrorun mükafatı olacaq”.
Yeniavaz.com xəbər verir ki, bunu İsrailin Baş naziri Benyamin Netanyahu videomüraciətdə deyib.
O qeyd edib ki, İsrail öz yaxınlığında belə bir dövlətin yaradılmasına imkan verməyəcək:
“Bir sıra Avropa ölkələrinin Fələstin dövlətini tanımaq niyyəti terrorun mükafatıdır. Yəhudeya və Samariyada (İsrailin İordan çayının qərb sahili üçün adı – red.) fələstinlilərin 80%-i oktyabrın 7-də baş vermiş dəhşətli qırğını dəstəkləyir. Bu pisliyə dövlət vermək olmaz”.
Netanyahunun sözlərinə görə, potensial müstəqil Fələstin terrorçu dövlət olacaq:
“Onlar 7 oktyabr qırğınını təkrar etməyə çalışacaq və biz buna razı olmayacağıq, terrorizmin mükafatı sülh gətirməyəcək və HƏMAS-ı məğlub etməyimizə mane olmayacaq”.