Orenburqda su basmış evlərin sayı 6,3 minə çatıb

Xəbər verdiyimiz kimi, Rusiyanın Orenburq vilayətinin Orsk şəhərində daşqın nəticəsində bənd dağılıb.
Yeniavaz.com TASS-a istinadla xəbər verir ki, Orsk şəhərində su basmış evlərin sayı 4,5, Orenburq vilayətində isə 6,3 minə çatıb.
Qeyd olunub ki, son 24 saat ərzində vilayətdə daha 2,4 minə yaxın evi su basıb.
Qeyd edək ki, aprelin 5-də Orenburq vilayətinin Orsk şəhərindəki sahil bəndinin bir hissəsi dağılıb. İki yerdə qismən çökmə baş verib. Orskdakı köhnə şəhər tamamilə su altında qalıb. Qeyd olunur ki, çayda suyun səviyyəsi durmadan qalxır və artıq rayonun inzibati mərkəzinə təhlükə yaradır. Mütəxəssislər qeyd edirlər ki, daşqının pik həddi hələ keçməyib.