Özgür Özel səs tellərindən əməliyyat olunub – KİV

Türkiyənin aparıcı müxalifət partiyası Cümhuriyyət Xalq Partiyasının (CHP) lideri Özgür Özelin səs tellərindən əməliyyat olunduğu bildirilir.
Yeniavaz.com xəbər verir ki, bu barədə Türkiyə KİV-də məlumat dərc olunub.
Bildirilir ki, martın 31-də keçirilən bələdiyyə seçkilərindən sonra ilk beynəlxalq səfərini Rumıniyanın paytaxtı Buxarestə edən CHP sədri bir gün əvvəl səs telindən əməliyyat olunub.
Qeyd olunur ki, həkimlər Özelə səsini dinləndirməyi məsləhət görüblər.
Avropadakı sosial demokrat partiyalarının ilklərindən olan Avropa Sosialist Partiyasının (PES) Buxarestdə keçirilən Liderlər Zirvəsinə qatılan Özəl ikitərəfli görüşlər də keçirib. Bildirilir ki, əməliyyat hazırda Buxarestdə olan Özelin buradakı çıxışlarına mane olmayıb.
CHP Ümumi Qərargahı Özel haqqında sosial mediada paylaşılan 7 gün telefonlara cavab verməyəcəyi və bu gecə xəstəxanaya yerləşdiriləcəyi ilə bağlı iddiaları təkzib edib.