“İyulda alyansın 75 illiyi münasibətilə Vaşinqtonda keçiriləcək sammitdə NATO ölkələrinin liderləri Ukraynanı hərbi alyansa qoşulmağa dəvət etmək niyyətində deyillər”.
Yeniavaz.com xəbər verir ki, bu barədə “The New York Times” məlumat yayıb.
Məqalədə deyilir ki, hələlik NATO kollektiv təhlükəsizlik sazişinə görə alyansa qurumu müharibəyə sürükləyən yeni üzv qəbul etmək istəmir.
Eyni zamanda, alyans “qızıl orta” tapmaq istəyir - üzvlükdən başqa, lakin Ukraynaya NATO-nun uzunmüddətli perspektivdə onu dəstəklədiyini göstərmək üçün kifayət qədər əhəmiyyətli bir şey. Ancaq bunun nə olacağı bəlli deyil.
“Financial Times”ın yazıb ki, bu cür dəstəyin bir variantı, Ukraynaya 100 milyard dollar dəyərində beş illik yardım paketi təqdim edəcək müttəfiq töhfə fondu ola bilər. Lakin, “The New York Times” qeyd edir ki, bu fikir çaşqınlıqla qarşılanıb, çünki NATO-nun üzv ölkələri fondu maliyyələşdirməyə necə məcbur edə biləcəyi bəlli deyil.
Qəzetin yazdığına görə, ABŞ və Almaniya Vaşinqtonda Ukraynanın NATO-ya üzvlüyü ilə bağlı danışıqlara başlamaq təklifinə qarşı çıxmaqda davam edirlər. Onlar bu məsələnin gündəmdən çıxarılmasının tərəfdarıdırlar.
Tətbiqimizi yükləyə bilərsiniz
