“X” sosial şəbəkəsində trafik aylıq 3,3 milyard istifadəçiyə qədər artaraq rekord həddə çatıb.
Yeniavaz.com xəbər verir ki, bu barədə sosial şəbəkənin sahibi İlon Mask buradakı hesabında məlumat dərc edib.
O, 3 aprel 2024-cü il tarixdə sosial şəbəkə trafikinin illər ərzində necə dəyişdiyini göstərən bir qrafik dərc edib. Qrafik göstərir ki, “X”in trafiki 2022-ci ilin sonunda Mask sosial şəbəkəni satın aldıqdan sonra kəskin artıb. Milyarder bu xidməti əldə edən zaman onun trafiki təxminən 1 milyard istifadəçi olub.
Maskın bu postu 24 saatdan az müddətdə 12 milyon baxış, 87 min bəyənmə və 8 min repost alıb.
Qeyd edək ki, İlon Mask “Twitter”i 2022-ci ilin oktyabrında 44 milyard dollara alıb. Milyarderin “X”dəki hesabını180 milyon insan təqib edir.
Tətbiqimizi yükləyə bilərsiniz
