Ticarət platformasının məlumatlarına görə, “Comex” birjasında ticarət zamanı qızılın qiyməti yeni tarixi maksimuma çatıb.
Yeniavaz.com ticarət platformasının saytına istinadla xəbər verir ki, qızılın qiyməti tarixi maksimumunu yeniləyərək, 1 troy unsiyası üçün 2,3 min dolları ötüb.
Belə ki, son məlumatlara görə, qiymətli metalın qiyməti 1 troy unsiyası üçün 2300,2 dollar (+1,23%) təşkil edib.
Qeyd edək ki, martın 21-də də qızılın qiyməti yeni tarixi rekorda imza atıb. Birjada qiymətli metalın qiyməti ilk dəfə olaraq 1 troy unsiyası üçün 2200 dolları ötüb.
Bundan əvvəlki rekord isə martın 7-də qeydə alınıb. Bu zaman qızıl 1 troy unsiyası üçün 2160 dollar həddini keçib.
Tətbiqimizi yükləyə bilərsiniz
