Azərbaycanın Xalq artisti, "Crocus Group" şirkətinin vitse-prezidenti Emin Ağalarov Moskvadakı "Crocus Sity Hall" ticarət mərkəzində baş verən terror aktı ilə bağlı instaqram hesabında paylaşım edib.
Yeniavaz.com xəbər verir ki, Emin Ağalarov “Crocus City Hall”da baş verən dəhşətli hadisə ilə əlaqədar həlak olanların ailələrinə dərin hüznlə başsağlığı verdiyini yazıb.
"Bu hücum hər kəs üçün dəhşətli bir faciədir, şəxsən mənə və ailəmə toxundu. Kədəri ifadə etmək üçün söz yoxdur",- deyə Emin Ağalarov öz paylaşımında qeyd edib.
Məlumat üçün bildirək ki, axşam saatlarında azərbaycanlı iş adamı Araz Ağalarova məxsus “Crocus City Hall” ticarət mərkəzinə silahlı şəxslər tərəfindən hücum edilib və bu hücum zamanı binada güclü yanğın baş verib. Rəsmi məlumatlara görə törədilən terror aktı nəticəsində 60-dan çox insan ölüb.
Tətbiqimizi yükləyə bilərsiniz
