“ABŞ administrasiyası etiraf edib ki, İsrail Qəzza zolağındakı binaları hərbi hədəflər olduğuna əmin olmadan dəfələrlə bombalayıb”.
Yeniavaz.com xəbər verir ki, bu barədə mənbələrə istinadən “The Washington Post” məlumat yayıb.
Bildirilir ki, 2023-cü ilin oktyabrında Ağ Evdə keçirilən şəxsi görüşdə Amerikanın yüksək rütbəli rəsmiləri İsrail hərbçilərinin seçilmiş hədəflərin legitimliyi barədə etibarlı məlumata malik olmadan bombardmanlar həyata keçirdiyini etiraf ediblər.
Bundan əlavə, ABŞ-nin hazırkı və əvvəlki administrasiyalarının xarici siyasət rəsmilərindən ibarət bir panel də İsrailin Fələstinin radikal HƏMAS hərəkatını məğlub etmək planının açıq şəkildə olmadığını müzakirə edib.
“Biz heç vaxt İsrailin əldə edilə bilən hərbi məqsədi olduğunu dəqiq başa düşə bilməmişik. Əvvəldən belə bir hiss var idi ki, biz İsrailin inandığı şeyi necə həyata keçirəcəyini bilmirik”, - görüşdən xəbəri olan mənbə nəşrə deyib.
Tətbiqimizi yükləyə bilərsiniz
