“Əl-Hilal” qələbə seriyasına görə dünya rekordu vurdu

“Əl-Hilal” ardıcıl 28-ci qələbəsini qazanıb və ən çox qələbə seriyasına görə dünya rekorduna imza atıb.
Yeniavaz.com xarici KİV-ə istinadla xəbər verir ki, Asiya Çempionlar Liqasının 1/4 final mərhələsinin cavab oyununda “Əl-Hilal” “Əl-İttihad”la görüşüb. Xorxe Jesusun yetirmələri rəqibi 2:0 hesabı ilə məğlub edərək, yarımfinala yüksəlib.
Beləliklə, “Əl-Hilal” Uelsin “Nyu Seynts” klubunun rekordunu geridə qoyub (2016-cı ildə 27 qələbə):
“Əl-Hilal” (Səudiyyə Ərəbistanı) - 28 matç;
“Nyu Seynts” (Uels) - 27 matç;
 “Ayaks” (Niderland) - 26 matç;
“Ayaks” (Niderland) - 25 matç;
“Koritiba” (Braziliya) - 24 matç;
“Bayern Münxen” (Almaniya) - 23 matç;
“Real Madrid” (İspaniya) - 22 matç;
“Mançester Siti” (İngiltərə) - 21 matç.