“Valideynləri təşvişə düşməməyə çağırırıq” – Agentlik

“Ötən gündən başlayaraq sosial şəbəkələrdə bir neçə ümumi təhsil müəssisəsində təxribat törədiləcəyi ilə bağlı məlumatlar paylaşılmaqdadır”.
Yeniavaz.com xəbər verir ki, bu barədə Məktəbəqədər və Ümumi Təhsil üzrə Dövlət Agentliyinin açıqlamasında bildirilib.
Qeyd edilib ki, məsələ aidiyyəti qurumların nəzarətindədir:
“Hazırda tədris prosesi ənənəvi qaydada davam edir. Valideynləri təşvişə düşməməyə, sosial şəbəkə istifadəçilərini isə həyəcan yaradan çağırışlar etməməyə çağırırıq”.
Xatırladaq ki, sosial şəbəkələrdə Bakıdakı bir sıra məktəblərdə və insanların kütləvi toplaşdığı iaşə obyektlərində terror aktlarının törədiləcəyi ilə bağlı xəbərdarlıqlar yayılıb.