2019-2023-cü illərdə Avropa silah alışını iki dəfə artırıb

Stokholm Beynəlxalq Sülh Araşdırmaları İnstitutu (SIPRI) 2019-2023-cü illər üçün qlobal silah ticarətinin vəziyyəti ilə bağlı yeni hesabat dərc edib.
Yeniavaz.com xəbər verir ki, hesabata görə, 2014-2018-ci illərin beş illik dövrü ilə müqayisədə Avropa ölkələri tərəfindən silah alışı təxminən iki dəfə (+94%) artıb.
Bu artım dünya reytinqində dördüncü yeri tutaraq Avropanın ən böyük idxalçısı olan Ukraynaya tədarüklə bağlı olub. 2022-ci ilin fevralından bəri 30 ölkə Ukraynaya silah göndərib. 2019-2023-cü illərdə Avropa idxalının 55%-ni Amerika silahları təşkil edib ki, bu da əvvəlki dövrlə müqayisədə 35% çoxdur.
2014-2018-ci illərlə müqayisədə 2019-2023-cü illərdə 17% artan Amerika hərbi ixracının payı qlobal miqyasda 34%-dən 42%-ə yüksəlib. 2019-2023-cü illərdə ABŞ 107 ölkəyə silah tədarük edib ki, bu da əvvəlki beşillik planların müvafiq göstəricisini üstələyir. 2014-2018-ci illərdə qlobal ixracatın 72%-i ABŞ və Qərbi Avropanın payına düşüb.
SIPRI-nin məlumatına görə, 2014-2018-ci illərlə müqayisədə 2019-2023-cü illərdə Rusiyanın silah ixracı 53% azalıb və nəticədə onun payı qlobal həcmdə 11% təşkil edib. Son beş ildə kəskin azalma müşahidə olunub: 2019-cu ildə Rusiyanın əsas silahları 31 ölkəyə satılıbsa, 2022-ci ildə ölkələrin sayı 14-ə, 2023-cü ildə isə 12-yə enib. Beləliklə, Rusiya SIPRI siyahısında ilk dəfə olaraq ikinci yeri Fransaya uduzaraq dünyanın ən böyük ixracatçıları arasında üçüncü yeri tutub.
Silah tədarükünün qlobal həcmi isə yuxarıda göstərilən dövrdə bir qədər azalma göstərib - 3,3%.