İsrail “Hizbullah”ın 4 mindən çox hədəfini vurub

İsrail hərbçiləri Livanla sərhəddə mövcud eskalasiya zamanı “Hizbullah”ın 4 mindən çox hədəfinə hücum edib və 220-dən çox yaraqlısını məhv edib. 
Yeniavaz.com xəbər verir ki, bu barədə İsrail Müdafiə Qüvvələrinin rəsmi nümayəndəsi Daniel Haqari brifinqdə məlumat verib.
“Qoşunların şimal sərhədində müdafiə və hücum fəaliyyətləri davam edir. Məqsədimiz şimalda təhlükəsizliyi bərpa etməkdir. Son bir ay ərzində biz 60-dan çox “Hizbullah” terrorçusunu, o cümlədən üç briqada komandiri rütbəli komandiri məhv etdik. Müharibənin əvvəlində biz 220-dən çox “Hizbullah” terrorçusunu öldürdük və “Hizbullah”ın 4000-dən çox hədəfinə hücum etdik”, - o, bildirib.
İsrail ordusunun sözçüsü deyir ki, hədəflər arasında silah anbarları, əməliyyat qərargahları, hərbi postlar və digər hərbi infrastrukturlar olub. 
“Bu həftə biz Livanın dərinliklərində “Hizbullah”ın hava hücumundan müdafiə sisteminin bir hissəsi olan ərazilərə zərbələr endirdik. Bu, “Hizbullah”ın Livan səmasında IDF-nin hərəkət azadlığını məhdudlaşdırmaq cəhdi üçün çoxlu sərmayə qoyduğu Beka ərazisinə uzun məzilli zərbədir”, - Haqari əlavə edib.