Xəbər verdiyimiz kimi, fevralın 28-i səhər saatlarında Azərbaycan Ordusunun əsgəri Pənahov Ruslan Eldəniz oğlu Laçın rayonu ərazisindəki xidməti mövqelər arasında hərəkət edərkən əlverişsiz hava şəraitində istiqaməti itirərək azıb.
Yeniavaz.com xəbər verir ki, Ermənistan Milli Təhlükəsizlik Xidməti (MTX) Azərbaycan Ordusunun hərbçisinin saxlanıldığını açıqlayıb.
Bildirilib ki, fevralın 28-də saat 05:15 radələrində Azərbaycan-Ermənistan şərti sərhədinin Syünik vilayətinin Teğ icması istiqamətində Azərbaycan Silahlı Qüvvələrinin hərbçisi təmas xəttini keçib.
Onun Ermənistan ordusunun əsgərləri tərəfindən saxlanıldığı bildirilir.
Hadisə ilə bağlı cinayət işinin başlandığı qeyd olunur.
Tətbiqimizi yükləyə bilərsiniz
