Vladimir Putin Co Baydenin onu təhqir etməsinin səbəbini izah etməyə çalışıb.
Yeniavaz.com xəbər verir ki, Rusiya prezidentinin sözlərinə görə, bu, onun son bəyanatına adekvat reaksiyadır.
Putin VGTRK müxbiri Pavel Zarubinin sualını belə cavablandırıb:
“Siz və mən bu yaxınlarda danışdıq və məndən ABŞ-nin gələcək prezidenti kimi kimə üstünlük verdiyimizi soruşdunuz. Dedim ki, biz istənilən prezidentlə işləyəcəyik, amma inanıram ki, bizim üçün, Rusiya üçün Bayden daha üstündür. Və onun dediklərindən sonra, mən tamamilə haqlı olduğum bəllidir. Çünki bu, mənim tərəfimdən deyilənlərə adekvat reaksiyadır. Niyə? Çünki o, deyə bilməz: “Volodya, afərin, sağ ol, mənə çox kömək etdin”. Biz orada baş verənləri daxili siyasi baxımdan başa düşürük və bu reaksiya tamamilə adekvatdır. Bu o deməkdir ki, mən haqlı idim. Mən dediklərimi Amerikanın yox, öz auditoriyamız üçün dedim”.
Putin qeyd edib ki, əvvəlki kimi təkrar edə bilər ki, Bayden Tramp yox, ABŞ prezidenti olsaydı, Rusiya üçün daha yaxşı olardı.
Xatırladaq ki, ötən gün San-Fransiskoda xüsusi bir tədbirdə, seçki kampaniyası üçün vəsait yığımı çərçivəsində danışan ABŞ Prezidenti Co Bayden Rusiya liderini təhqir edib, həmçinin onu “dəli” adlandırıb.
Tətbiqimizi yükləyə bilərsiniz
