Konqo Demokratik Respublikasında (KDR) üsyançıların helikopterə atəş açması nəticəsində iki BMT sülhməramlısı yaralanıb.
Yeniavaz.com “France-Presse” agentliyinə istinadla xəbər verir ki, bu barədə BMT-nin Konqodakı Stabilləşdirmə Missiyasından məlumat verilib.
“İki sülhməramlı yaralanıb. Onlardan birinin vəziyyəti ağır olaraq qiymətləndirilir”, - məlumatda bildirilib.
Missiya həmçinin, helikopterin təhlükəsiz yerə endiyini qeyd edib.
Hadisə Qoma şəhəri yaxınlığında baş verib. Hadisədə hazırda Qomaya hücum təşkil etməyə çalışan “23 Mart Hərəkatı” qruplaşması şübhəli bilinir.
Tətbiqimizi yükləyə bilərsiniz
