Ankara Fələstin Həmrəylik Platforması Türkiyənin paytaxtı Ankarada Fələstinə dəstək üçün yürüş təşkil edib.
Yeniavaz.com TRT-yə istinadla xəbər verir ki, yürüş zamanı İsrailin hücumları nəticəsində Qəzzada baş verən insanlıq faciəsinə diqqət çəkilib, İsrailin hücumları nəticəsində həyatını itirənlər anılıb.
Analar qırğında həyatını itirən körpələri təmsil edən simvolik körpələrlə yürüşdə iştiraka ediblər.
Yürüş zamanı İsrailin Qəzzada həyata keçirdiyi hücumlarda həlak olan jurnalistlər də anılıb.
Atatürk Mədəniyyət Mərkəzindən başlayan yürüş Anadolu Meydanında başa çatıb. “Qəzza üçün vicdan yığıncağı” adlı bəyannamənin oxunması ilə sona çatıb.
Yürüş iştirakçıları, həmçinin Türkiyə ordusunun İraqın şimalında keçirdiyi “Pəncə Kilid” əməliyyatı bölgəsində terrorçularla qarşıdurmada şəhid olan əsgərləri də yad ediblər.
Tətbiqimizi yükləyə bilərsiniz
