Xəbər verdiyimiz kimi, ötən gün Ermənistanda saxlanılan hərbçilərimiz Aqşin Bəbirov və Hüseyn Axundov Azərbaycan tərəfinə təhvil verilib.
Yeniavaz.com xəbər verir ki, onlar keçirdikləri hissləri, həmçinin əsirlikdə yaşadıqlarını AzTV-yə danışıblar.
H. Axundov deyib ki, əsirlikdə olan zaman onlara çox az yemək verilib.
Aqşin Bəbirov deyib ki, ayağında və qabırğalarında narahatlıqlar var:
“Onlar bizə qəddar şəkildə davranırdılar. Biz də həmişə ayaq üstə qalırdıq. Dizimizdən vursalar belə, bu diz yerə düşmədi. Ayağıma “tok” veriblər. İndi revmatizm var, amma normaldır. Şükür, özümü idarə edə bilirəm. Qabırğalarımda da əzilmələr var. Bacardığımız qədər yaxşı olmağa çalışırıq”.
Daha ətraflı:
Tətbiqimizi yükləyə bilərsiniz
