“Qızılcanın yayılması ilə əlaqədar Elm və Təhsil Nazirliyi olaraq Səhiyyə Nazirliyi və Gigiyena və Epidemiologiya Mərkəzləri ilə mütəmadi işləyirik. Məqsədimiz budur ki, xəstəlik uşaqların tədris prosesinə mane olmasın”.
Yeniavaz.com xəbər verir ki, bunu jurnalistlərə açıqlamasında elm və təhsil naziri Emin Əmrullayev söyləyib.
O bildirib ki, hazırda bir neçə məktəbdə yoluxma halları qeydə alınıb.
“Hazırkı vəziyyət 9-10 il əvvəl valideynlərin peyvəndləmə ilə bağlı verdiyi qərarların nəticəsidir. Hazırkı rəqəmlər bizə pandemiya təhlükəsinin olmadığını göstərir. Peyvəndləmə vaxtında aparılarsa, bu hal daha tez aradan qalxacaq. Hələ ki bir məktəbdə qapanmaya gedilib”, - deyə nazir qeyd edib.
Tətbiqimizi yükləyə bilərsiniz
