Avtomobil istehsalçısı “Honda” bir neçə yüz min “Accord” və “HR-V” avtomobilini qəza zamanı yaralanma riskini artıra bilən qabaq təhlükəsizlik kəməri bağlayıcılarının çatışmaması səbəbindən geri çağırıb.
Yeniavaz.com AP-yə istinadla xəbər verir ki, “Honda” və Yaponiyanın Milli Avtomobil Yolları Hərəkətinin Təhlükəsizliyi İdarəsi (NHSTA) tərəfindən verilən bildirişlərə görə, təhlükəsizlik kəməri bərkidicilərində qəza zamanı tez açılan birləşdiricini və tel lövhəsini təmin edən qurğu olmaya bilər.
NHSTA problemi montaj xətası ilə əlaqələndirib.
Qeyd olunub ki, 300 mindən çox avtomobildə bu qüsur ola bilər.
Bildirilir ki, avtomobilləri bu geri çağırışdan təsirlənən istehlakçılar üçün dilerlər təhlükəsizlik kəmərinin ön gərginliyini pulsuz yoxlayacaq və dəyişdirəcək:
“Artıq bu təmir xərclərini öz cibindən ödəmiş şəxslər də pulu geri ala bilər. Bildiriş məktubları 8 yanvar 2024-cü il tarixindən etibarən təsirlənmiş nəqliyyat vasitələrinin qeydiyyatdan keçmiş sahiblərinə poçtla göndəriləcək”.
Tətbiqimizi yükləyə bilərsiniz
