Türkiyənin şimalındakı Zonquldak vilayətinin Ereğli rayonu güclü yağışlardan sonra fəlakət zonası elan edilib.
Yeniavaz.com xəbər verir ki, bu barədə Türkiyə Daxili İşlər Nazirliyinin rəhbəri Əli Erlikaya sosial şəbəkə hesabında məlumat yayıb.
Onun sözlərinə görə, 226 sahibkarlıq subyektinə və 54 mülkə ziyan dəyib.
Xatırladaq ki, həftə sonu Türkiyənin Qara dəniz sahillərində təbii fəlakət baş verdi: Ereğlidə sel və daşqınlar nəticəsində 4 nəfər ölüb; yük gəmisinin 11 nəfər ekipaj üzvləri itkin düşənlər siyahısındadır və onların axtarışı davam edir. Qasırğalar və yağıntılar nəticəsində bölgəyə xeyli maddi ziyan dəyib.
Tətbiqimizi yükləyə bilərsiniz
