“ABŞ-Rusiya münasibətlərinin hər an kəsilmək riski var” – Rusiya XİN

“Rusiya-Amerika münasibətlərinin Vaşinqtonun günahı ucbatından hər an kəsilmək riski var, bu, Moskvanın seçimi deyil”.
Yeniavaz.com TASS-a istinadla xəbər verir ki, bu barədə Rusiya Xarici İşlər Nazirliyinin Rusiya və ABŞ arasında diplomatik münasibətlərin bərpasının 90-cı ildönümü münasibətilə yaydığı məlumatda bildirilib.
Nazirlik iki ölkə arasındakı münasibətlərdə ən dərin böhranın əsas səbəbini Vaşinqtonun Moskva və Pekini qlobal şəkildə cilovlamaq niyyəti adlandırıb.
“Rusiya-Amerika münasibətlərinin indi yaşadığı ən dərin böhranın əsas səbəbi budur. Kəskin rusofobiyanı qəbul edən Vaşinqton ucbatından bu münasibətlər son dərəcə incələşib və hər an kəsilmək təhlükəsi var. Bu, Rusiyanın seçimi deyil. Moskvaya strateji məğlubiyyət vermək kimi doktrinal olaraq qarşıya qoyulmuş vəzifə də daxil olmaqla ABŞ-nin məsuliyyətsiz addımları fəlakətli nəticələrə gətirib çıxara bilər”, - Rusiya diplomatik xidməti vurğulayıb.
Rusiya Xarici İşlər Nazirliyinin yaydığı məlumatda bildirilir ki, 1933-cü ildən sonra iki ölkə arasındakı münasibətlər Soyuq Müharibə məntiqinə tabe olmaqla, həmçinin, nüvə münaqişəsi astanasında balanslaşdırılaraq, eniş-yoxuş yaşasa da, “ölümcül dönüş nöqtəsini” keçə bilmədi:
“O dövrün ABŞ dövlət xadimləri SSRİ ilə dinc yanaşı yaşamaq və silahlara nəzarət etmək haqqında danışıqları başlamaq üçün kifayət qədər sağlam düşüncəyə malik idilər.
Təəssüf ki, reallığın belə praqmatik qavranılması 1990-cı və 2000-ci illərdə hakimiyyətin cilovunu ələ keçirmiş Amerika siyasi elitasının nəsli üçün qeyri-adi oldu, onlar üçün “tarixin sonu” və “qızıl əsr” kimi illüziya inancı var idi. Həmçinin, ABŞ hegemonluğu əsas dünyagörüşü idi və bu gün də qalmaqda davam edir”, - məlumatda bildirilib.
Eyni zamanda, diplomatik departament vurğulayıb ki, ABŞ-dəki siyasi dairələr rejim dəyişikliyinə və Rusiyadaxili iğtişaşların təşkilinə əbəs və absurd diqqət nümayiş etdirirlər.
“Bugünkü ildönümü ölkələrimizin qarşılıqlı hörmət və maraqlar üzərində qurulmuş müsbət tarixi təcrübəsini xatırlamaq üçün bir fürsətdir. Məhz bu prinsiplər diplomatik münasibətlərin bərpası haqqında 1933-cü il sazişinin əsasını təşkil etmişdi və indiki misli görünməmiş çətin vəziyyətdə də öz aktuallığını qoruyub saxlayır”, - Rusiya XİN yekunlaşdırıb.