Putin prezident seçkiləri haqqında qanuna dəyişiklikləri təsdiqlədi

Rusiya Prezidenti Vladimir Putin prezident seçkiləri haqqında qanuna dəyişiklikləri təsdiqləyib.
Yeniavaz.com xəbər verir ki, müvafiq sənəd hüquqi aktların rəsmi portalında dərc olunub.
Qəbul edilmiş düzəlişlər seçkilər zamanı medianın işini çətinləşdirir. İndi seçki komissiyalarının iclaslarına yalnız qeydiyyatdan keçmiş KİV-lərin redaksiyalarında rəsmi işləyən jurnalistlər buraxılacaq.
Seçki məntəqələrində yalnız Rusiya qanunvericiliyinə uyğun olaraq hüquqları olanlar foto və video çəkə biləcək.
Bundan başqa, sənəd hərbi hissələrin ərazisində yerləşən seçki məntəqələrində KİV-in işinə məhdudiyyətlər təqdim edir: bölmənin rəhbərliyi ilə razılaşdırılaraq orada yalnız akkreditə olunmuş media nümayəndələri çəkiliş apara biləcək.