“İsrail ağ fosforlu sursatlardan istifadəni gücləndirib”

“İsrail ordusu son iki gündə Qəzza zolağının atəşə tutulması zamanı qadağan olunmuş ağ fosforlu sursatlardan istifadəni gücləndirib”.
Yeniavaz.com xəbər verir ki, bu barədə Qətərin “Əl-Cəzirə” telekanalı Fələstin anklavının Daxili İşlər Nazirliyinə istinadən məlumat yayıb.
Kanalın həmsöhbətinin sözlərinə görə, İsrail qüvvələri ordu etikasına əməl etmədikləri üçün ordu adlandırılmağa layiq deyillər.
Fələstin anklavının Daxili İşlər Nazirliyi bildirib ki, İsrail ordusu Qəzzadakı qaçqınların sığınacaqlarını və xəstəxanalarını qəsdən bombalayır və dinc əhali təhlükəsiz ərazilərə keçərkən onları öldürür.
Departament həmçinin qeyd edib ki, Qəzza zolağında müxtəlif media orqanları jurnalistlərə hücumlar və hərəkətdə çətinliklər səbəbindən öz vəzifələrini yerinə yetirə bilmirlər.