Şiə Hizbullah partiyasının lideri Şeyx Həsən Nəsrullah vasitəçilərlə ABŞ-a ultimatum təqdim edərək, İsrailin Qəzza zolağında həyata keçirdiyi hərbi əməliyyatların noyabrın 3-ü cümə gününə qədər dayandırılmasını tələb edib.
Yeniavaz.com xəbər verir ki, bu barədə Küveytin “Əl-Cərida” qəzeti İran diplomatik mənbələrinə istinadən məlumat yayıb .
Onların fikrincə, Amerika tərəfi bu tələbi yerinə yetirməsə, o zaman Şeyx Nəsrullah cümə gününə planlaşdırılan televiziya çıxışında şiə qüvvələrinin İsraillə müharibə üçün ümumi səfərbərliyini elan edəcək və bütün istiqamətlərdən İsrailə qarşı hərbi əməliyyatlara başlayacaq.
Nəşr yazır ki, Hizbullah lideri İslam İnqilabı Keşikçiləri Korpusunun Əl-Qüds xüsusi təyinatlılarının (SEPAH, İran Silahlı Qüvvələrinin elit bölmələri) komandiri, briqada generalı İsmayıl Qaani ilə çərşənbə axşamı Beyrutda ultimatumunu razılaşdırıb. Nəşrin mənbələrinin bildirdiyinə görə, general Qaani daha əvvəl İranın Ali Milli Təhlükəsizlik Şurasının iclasında çıxış edərək bildirib ki, Tehranın regiondakı müttəfiqləri fələstinlilərə dəstək döyüşünə girməsələr xalq dəstəyini itirə bilərlər.
Tətbiqimizi yükləyə bilərsiniz
