“Vardanyan hələ də Rusiya vətəndaşıdırsa, Moskva onun hüquqlarını qoruyacaq”

Rusiya prezidentinin mətbuat katibi Dmitri Peskov Qarabağdakı qondarma rejimin keçmiş “dövlət naziri” Ruben Vardanyanın Azərbaycan sərhədində saxlanılmasından xəbərsiz olduğunu deyib.
Yeniavaz.com TASS-a istinadla xəbər verir ki, o, bu barədə jurnalistin sualına cavab olaraq bildirib.
“Məndə belə bir məlumat yoxdur, ona görə də bu məsələ ilə bağlı heç nə deyə bilmərəm”, - Peskov deyib.
“Vardanyan Rusiya vətəndaşlığı da var. Əgər o, hələ də Rusiya Federasiyasının vətəndaşıdırsa, o zaman Moskva onun saxlanılması barədə məlumat alacaq və hüquqlarını qoruyacaq. Əgər o, Rusiya vətəndaşlığından imtina edibsə, bu, başqa məsələdir”, – Kreml sözçüsü bildirib.
Qeyd edək ki, Ruben Karleni Vardanyan bu gün - sentyabrın 27-də “Laçın” dövlət sərhədindəki buraxılış məntəqəsində Azərbaycan Respublikasından Ermənistan istiqamətində hərəkət edərkən Dövlət Sərhəd Xidmətinin əməkdaşları tərəfindən saxlanılıb və Bakı şəhərinə gətirilib.