“Roma Statutu tam ratifikasiya olunacaq”.
Yeniavaz.com News.am-a istinadla xəbər verir ki, bunu Ermənistan Baş nazir Nikol Paşinyan Milli Assambleya və hökumətin sual-cavab sessiyası zamanı deyib.
O bildirib ki, Roma Əsasnaməsi tam təsdiqlənəcək və bunun Ermənistan-Rusiya münasibətlərinə heç bir aidiyyəti yoxdur:
“Bunun Ermənistanın təhlükəsizlik məsələlərinə dəxli var”.
Qeyd edək ki, sentyabrın 1-də Ermənistan hökuməti Roma Statutunu ratifikasiya üçün Milli Assambleyaya göndərib.
Xatırladaq ki, bu ilin martında Ermənistan Konstitusiya Məhkəməsi Beynəlxalq Cinayət Məhkəməsinin Roma Statutunun ölkə Konstitusiyasına uyğun olması barədə qərar qəbul edib. Bir həftə əvvəl isə Haaqa Beynəlxalq Cinayət Məhkəməsi Rusiya prezidenti Vladimir Putinin həbsinə order verib.
Tətbiqimizi yükləyə bilərsiniz
