Avqustun 23-də Xorvatiyanın paytaxtı Zaqrebdə start götürəcək cüdo üzrə yeniyetmələr arasında dünya çempionatında iıtirak edəcək Azərbaycan millisinin heyəti məlum olub.
Yeniavaz.com xəbər verir ki, bu barədə Beynəlxalq Cüdo Federasiyasının rəsmi saytında məlumat verilib. Məlumata görə, yığma 4 gün davam edəcək yarışda 15 idmançı ilə təmsil olunacaq.
Oğlanların mübarizəsində Məhəmməd Məmişov, Nihad Məmişov (hər ikisi 50 kq), Ayxan Mirzəzadə, Mirxaliq İskəndərov (hər ikisi 55 kq), Məhəmməd Musayev (60 kq), Abil Yusubov, Cəsur İbadlı (hər ikisi 66 kq), Süleyman Şükürov (73 kq), Aslan Kotsoyev (90 kq) və Ramazan Əhmədov (+90 kq) qüvvəsini sınayacaq.
Qızlardan isə Nigar Məmişova (40 kq), Məryəm Bayramzadə (44 kq), Vüsalə Hacıyeva (48 kq), Xədicə Qədəşova (53 kq) və Kamilla Toxoliyeva (66 kq) tatami üzərinə çıxacaq.
Tətbiqimizi yükləyə bilərsiniz
