Dövlət Ekoloji Təhlükəsizlik Xidmətinin əməkdaşları tərəfindən keçirilən nəzarət tədbirləri zamanı qanunsuz qum daşıma faktları müəyyən olunub.
Yeniavaz.com xəbər verir ki, bu barədə ETSN Mətbuat Xidməti məlumat yayıb. Məlumata görə, tədbirlər zamanı Xızı rayonunun Yaşma qəsəbəsinin Xəzər dənizi sahilindən və Şəki rayonu ərazisindən keçən Şin çayının Əyriçaya tökülən hissəsindən qanunsuz qum daşındığı müəyyən edilib.
Araşdırma zamanı qum qarışığının Xızı rayonunda üzərində dövlət nömrə nişanı olmayan ekskovator və Fuad Atabayevin idarə etdiyi “Shacman” markalı, 77-EL-684 dövlət nömrə nişanlı yük avtomobili, Şəki rayonunda isə Vüsal Qarazadə tərəfindən ağır texnika vasitəsilə daşındığı məlum olub.
Faktlarla bağlı təqsirkar şəxslər barəsində akt, protokol tərtib olunub və qanunamüvafiq tədbirlər görülüb.
Tətbiqimizi yükləyə bilərsiniz
