Sumqayıt şəhərində yerləşən “Green House” şadlıq evində baş vermiş yanğın Fövqəladə Hallar Nazirliyi Dövlət Yanğından Mühafizə Xidmətinin qüvvələri tərəfindən söndürülüb.
Nazirlikdən Yeniavaz.com-a verilən məlumata görə, havanın küləkli olması yanğınla mübarizə tədbirlərini çətinləşdirsə də, yanğınsöndürənlərin çevik və peşəkar fəaliyyəti sayəsində yanğın qısa müddətdə söndürülüb.
Qeyd olunub ki, hadisə zamanı xəsarət alan olmayıb.
***15:30
Sumqayıt şəhərində şadlıq evində yanğının söndürülməsi işləri davam etdirilir.
Bu barədə Yeniavaz.com-a Fövqəladə Hallar Nazirliyindən (FHN) məlumat verilib.
FHN-nin Dövlət Yanğından Mühafizə Xidmətinin yanğından mühafizə bölmələri yanğının baş verdiyi əraziyə cəlb olunub.
Hazırda yanğınsöndürmə işləri həyata keçirilir.
***15:03
Sumqayıt şəhərindəki "Green house" şadlıq sarayı yanır.
Yeniavaz.com xəbər verir ki, bu barədə "Report"a hadisə şahidləri məlumat verib.
Dövlət Yanğından Mühafizə Xidmətinin əməkdaşları yanğını söndürməyə çalışır.
Tətbiqimizi yükləyə bilərsiniz
