“Neftçi” “Qarabağ”ın futbolçusunu transfer etdi

“Neftçi” Emil Balayevin ardınca milli komandamızın daha bir üzvünü transfer edib.
Yeniavaz.com xəbər verir ki, bu barədə klubun rəsmi sosial şəbəkə hesablarında paylaşım edilib.
Bildirilib ki, Xorvatiya əsilli Filip Ozobiçlə 2 illik müqavilə bağlanıb.
32 yaşlı yarımmüdafiəçi bakılıların heyətində 10 nömrəli formanı geyinəcək.
Qeyd edək ki, Rusiyada “Spartak” (Moskva; 2010-2013), Xorvatiyada “Hayduk” (Split; 2012-2013) və “Slaven” (Belupo; 2013-2016) klublarında çıxış etmiş Filip Ozobiç ölkəmizdə “Qəbələ” (2016-2018) və “Qarabağ”da (2018-2023) forma geyinib. Yarımmüdafiəçi Azərbaycan çempionatının qalibi (2019, 2020, 2022, 2023) və iki ən yaxşı bombardirindən biri (2017) olub, Xorvatiya (2013) və Azərbaycan (2022) kubokunu başı üzərinə qaldırıb.
Xorvatiyanın əsas və müxtəlif yaş qruplarından ibarət yığma komandalarının formasını geyinmiş Ozobiç 2021-ci ildən şərəfini qoruduğu Azərbaycan millisinin heyətində 10 oyun keçirib, 1 qol vurub.