“Son hadisələr hərbi əməliyyatlardan çəkinməyin, davamlı və ləyaqətli sülhün zəruriliyini vurğulayır”.
Yeniavaz.com xəbər verir ki, bu sözləri ABŞ Dövlət Departamentinin mətbuat xidmətinin rəhbərinin müavini Vedant Patel ötən gün – iyunun 28-də keçirilən ənənəvi brifinqdə Azərbaycan və Ermənistan sərhədində son vaxtlar baş verən qarşıdurmaları şərh edərkən deyib.
O bildirib ki, ABŞ davamlı və ləyaqətli sülhə çatmaqda tərəflərə yardım etmək öhdəliyinə sadiqdir:
“Dövlət katibi Blinken sülh prosesində birbaşa iştirak edir. Birbaşa dialoq problemlərin həlli və davamlı və layiqli sülhə nail olmaq üçün açardır. Xarici işlər nazirləri ilə dünənki görüşlər konstruktiv keçdi və sülh danışıqları davam etdikcə biz bu gün və sabah bu müzakirələrə əsaslanmağa davam edirik”.
Vedant Patel deyib ki, Birləşmiş Ştatların rolu tərəfləri çağırmaqdan və dialoqa ev sahibliyi etməkdən ibarətdir.
“Buna görə çox şadıq və proses sonuncu dəfə bu cür danışıqlara ev sahibliyi etdiyimiz kimi oynadığımız rolla eynidir. Dediyim kimi, katibin bu xarici işlər nazirləri ilə görüşmək imkanı olub. Bu, departamentin dərindən məşğul olmağa davam edəcəyi bir şeydir və bu barədə təklif edəcəyim başqa yeniliklərim yoxdur”.
Qeyd edək ki, son vaxtlar Azərbaycan-Ermənistan sərhədinin müxtəlif istiqamətlərində, eləcə də Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri tərəfindən mövqelərimiz atəşə məruz qalır.
Tətbiqimizi yükləyə bilərsiniz
