1-4 may 2023-cü il tarixlərində ABŞ-ın Virciniya ştatının Arlinqton şəhərində Azərbaycan Respublikasının xarici işlər naziri Ceyhun Bayramov və Ermənistan Respublikasının xarici işlər naziri Ararat Mirzoyan arasında danışıqlar aparılıb.
XİN-dən Yeniavaz.com-a bildirilib ki, nazirlər Corc Şults adına Milli Xarici Əlaqələr Tədris Mərkəzində qəbul ediliblər. Vaşinqtonda olarkən onlar ABŞ-ın dövlət katibi Entoni Blinken və prezidentin köməkçisi, milli təhlükəsizlik üzrə müşaviri Ceyk Sallivanla görüşüblər.
Nazirlər hazırki vəziyyətlə bağlı fikirlərini bölüşüb, münasibətlərin normallaşması ilə bağlı mövcud məsələlərə dair mövqelərini bildiriblər.
Nazirlər və onları müşayiət edən nümayəndə heyətinin üzvləri Sülh və Dövlətlərarası Münasibətlərin Qurulması haqqında ikitərəfli Saziş layihəsinin bəzi maddələri üzrə qarşılıqlı razılıq əldə edib, eyni zamanda bəzi əsas məsələlər üzrə mövqelərin fərqli olaraq qaldığını qəbul ediblər.
Hər iki nazir Ermənistan və Azərbaycan arasında danışıqlara ev sahibliyi etdiyinə görə ABŞ tərəfinə minnətdarlıqlarını ifadə ediblər. Tərəflər müzakirələri davam etdirmək barədə razılığa gəliblər.
***22:57
Vaşinqtonda Azərbaycan və Ermənistanın xarici işlər nazirləri arasında 4 günlük danışıqlar başa çatıb.
Yeniavaz.com xəbər verir ki, bu barədə APA məlumat yayıb.
***19:22
Azərbaycan və Ermənistan XİN rəhbərlərinin növbəti görüşü başlayıb.
Yeniavaz.com APA-ya istinadla xəbər verir ki, ABŞ-nin Arlington şəhərində keçirilən görüşdə sülh sazişi layihəsi istiqamətində müzakirələr aparılır.
Tərəflərin bundan sonra ABŞ dövlət katibi Entoni Blinkenlə görüşü də gözlənilir.
Tətbiqimizi yükləyə bilərsiniz
