AÇG-də neft hasilatı son 12 ilin ən aşağı səviyyəsinə düşdü - Rəqəmlər

2023-cü ilin ilk rübü ərzində "Azəri-Çıraq-Günəşli" (AÇG) yatağında 35 milyon barel (5 milyon ton) və ya gündə orta hesabla 386 min barel neft hasil edilib. 
Yeniavaz.com xəbər verir ki, bu barədə “BP-Azərbaycan” şirkətindən məlumat verilib. Ötən ilin məlumatlarına istinadən apardığımız hesablamalar göstərir ki, 2022-ci ilin eyni dövrü ilə müqayisədə neft hasilatı 10,2% və ya 4 milyon barel az olub.
2023-cü ilin ilk rübündə AÇG-də ümumilikdə 137 neft hasilat quyusu və 45 qaz və su injektor quyusu istismarda olub.
Xatıraldaq ki, AÇG layihəsinin əsas iştirakçıları BP (operator - 30,37%), SOCAR (25%), MOL (16 aprel 2020-ci il tarixindən “Şevron” şirkətini əvəz edib)  (9,57%), İNPEKS (9,31%), "Equinor" (keçmiş "Statoil") (7,27%), "EksonMobil" (6,79%), TPAO (5,73%), İTOÇU (3,65%) və ONGC Videş Limited (OVL) (2,31%) şirkətləridir.
Son 12 ildə AÇG yatağında neft hasilatı və quyuların sayı:

İllər	Hasilat (milyon barel)	Quyuların sayı (ədəd)
1-ci rüb 2012	64,8	90
1-ci rüb 2013	59,6	94
1-ci rüb 2014	58	104
1-ci rüb 2015	59	124
1-ci rüb 2016	59	136
1-ci rüb 2017	52	155
1-ci rüb 2018	54	170
1-ci rüb 2019	52	168
1-ci rüb 2020	48	178
1-ci rüb 2021	44	178
1-ci rüb 2022	39	182
1-ci rüb 2023	35	189

A. Cəfərov