“Nəzərdən keçirməli olduğum heç bir görüşüm, diplomatik görüşlərim və ya konfranslarım yoxdur”.
Yeniavaz.com xəbər verir ki, bunu ABŞ Dövlət Departamentinin mətbuat katibinin müavini Vedant Patel ənənəvi brifinqdə jurnalistin erməni mətbuatında çıxan üçtərəfli görüş iddiaları ilə bağlı sualına cavabında bildirib.
“Bu idarə (ABŞ Dövlət Departamenti) Ermənistanla Azərbaycan arasında davamlı sülhə nail olunması üçün dərindən çalışmağa davam edir. Bu, Katib Blinkenin, eləcə də Baş Koordinator Bono və Katib köməkçisi vəzifəsini icra edən Hoqanın dərin sadiq olduğu bir şeydir. Fürsət yarandıqda, Katib Blinken bu iki ölkə ilə birbaşa əlaqə saxlayıb və bunu davam etdirəcək, lakin buradan yeniləyəcək heç nəyim yoxdur”, - deyə V. Patel bildirib.
Qeyd edək ki, ötən gün Ermənistan KİV-də bazar ertəsi – mayın 1-də ABŞ-da xarici işlər nazirləri səviyyəsində üçtərəfli görüşün olacağı ilə bağlı məlumat yayılıb.
Tətbiqimizi yükləyə bilərsiniz
