37 kiloqram 770 qram narkotik vasitənin qaçaqmalçılıq yolu ilə Azərbaycan Respublikası ərazisinə keçirilməsinin qarşısı alınıb.
Yeniavaz.com xəbər verir ki, bu barədə Dövlət Sərhəd Xidməti məlumat yayıb.
Bildirilib ki, keçirilmiş əməliyyat-axtarış tədbirləri nəticəsində aprel ayının 8-də saat 23:30-da “Göytəpə” sərhəd dəstəsinin xidməti ərazisində ümumi çəkisi 15 kiloqram 200 qram narkotik vasitə aşkar olunaraq götürülmüşdür.
Aprel ayının 9-da saat 02:20-də Dövlət Sərhəd Xidmətinin “Göytəpə” sərhəd dəstəsinin və Cəlilabad rayon polis şöbəsinin əməkdaşlarının keçirdiyi birgə əməliyyat tədbiri nəticəsində dövlət sərhədindən narkotik vasitələrin qaçaqmalçılığı ilə məşğul olan və 77-EX-379 dövlət qeydiyyat nişanlı “Prius” markalı avtomobillə ərazidən uzaqlaşmağa cəhd göstərən Sumqayıt şəhər sakinləri 1982-ci il təvəllüdlü Əsgərxanov Çoşqun Mehrac oğlu və 1997-ci il təvəllüdlü Şahbazlı Murad Elçin oğlu saxlanılmışlar.
Avtomobilə baxış zamanı ümumi çəkisi 22 kiloqram 570 qram narkotik vasitə aşkar olunmuşdur.
Qeyd olunan faktlar üzrə əməliyyat-istintaq tədbirləri davam etdirilir.
![](https://cdn.yeniavaz.com/uploadedfiles/custom/2023/4/10/1/07d5aa20-58a0-4635-a146-8b48ac24d573/cosqun-murad-dsx-3.jpg)
![](https://cdn.yeniavaz.com/uploadedfiles/custom/2023/4/10/1/caa97b32-2768-4fe6-950a-c52891b12813/cosqun-murad-dsx-2.jpg)
![](https://cdn.yeniavaz.com/uploadedfiles/custom/2023/4/10/1/84d947fa-5d95-44c8-9db1-748c64bd8664/cosqun-murad-dsx-1.jpg)
![](https://cdn.yeniavaz.com/uploadedfiles/custom/2023/4/10/1/37e90d58-ee5b-4c93-9c5b-3703b5e42830/cosqun-murad-dsx.jpg)