“Azərbaycanda təhlükəsizlik qüvvələrinin əməkdaşlarının çoxsaylı sui-istifadələrə yol verdiyi barədə məlumatlar var”.
Yeniavaz.com xəbər verir ki, bu barədə ABŞ Dövlət Departamentinin "İnsan Hüquqları Təcrübələri üzrə 2022 Ölkə Hesabatları"nda deyilir.
Qeyd olunub ki, digər mühüm insan hüquqları məsələlərinə aşağıdakılar haqqında etibarlı hesabatlar daxildir:
“Qanunsuz və ya özbaşına adam öldürmə; təhlükəsizlik qüvvələrinin əməkdaşları tərəfindən işgəncə və qəddar, qeyri-insani və ya ləyaqəti alçaldan rəftar və ya cəza; ağır və bəzən həyat üçün təhlükə yaradan həbsxana şəraiti; əsassız həbs; siyasi məhbuslar; ölkədən kənar şəxslərə qarşı siyasi motivli repressiya; məhkəmə hakimiyyətinin müstəqilliyi ilə bağlı geniş yayılmış problemlər; şəxsi həyatın toxunulmazlığına özbaşına və ya qanunsuz müdaxilə; ifadə azadlığına və mediaya ciddi məhdudiyyətlər, o cümlədən jurnalistlərə qarşı zorakılıq, ifadəni məhdudlaşdırmaq üçün cinayət diffamasiya qanunlarının tətbiqi, jurnalistlərin şübhəli ittihamlarla təqib edilməsi və həbs edilməsi; internet azadlığına ciddi məhdudiyyətlər, o cümlədən internet saytlarının bloklanması; dinc toplaşmaq hüquqlarına faktiki qadağa və birləşmək azadlığına əsaslı müdaxilə; hərəkət azadlığının məhdudlaşdırılması; siyasi iştiraka ciddi məhdudiyyətlər; sistemli hökumət korrupsiyası; gender əsaslı zorakılığa görə məsuliyyətin olmaması; cinsi oriyentasiyasına görə şəxsləri hədəf alan zorakılıqla bağlı cinayətlər; işçilərin birləşmək azadlığına əhəmiyyətli məhdudiyyətlər; uşaq əməyinin ən pis formalarının mövcudluğu”.
Bildirilib ki, Azərbaycan hökuməti insan hüquqlarının pozulmasına və korrupsiya əməllərinə yol verdiyi bildirilən məmurların əksəriyyətini təqib etməyib və ya cəzalandırmayıb.
Tətbiqimizi yükləyə bilərsiniz
