SEPAH 1650 km mənzilli yeni raketi orduya daxil edir

İran İslam İnqilabı Keşikçiləri Korpusunun (SEPAH) Aerokosmik Qüvvələri (VKS) 1650 km mənzilli yeni “Paveh” qanadlı raketi alıb.
Yeniavaz.com xəbər verir ki, bu barədə fevralın 25-də “Tasnim” agentliyi məlumat yayıb. SEPAH Aerokosmik Qüvvələrinin komandanı Əmirəli Hacızadənin sözlərinə görə, İran raketləri mükəmməl dəqiqliyə malikdir. O qeyd edib ki, ABŞ-ın regiondakı bütün hərbi bazaları İranın yeni raketlərinin məhv edilməsi zonasındadır.
Hacızadə İranın 2000 km-ə qədər radiusda Amerika hərbi gəmilərini vurmağa qadir olduğuna diqqət çəkib.
Qeyd edək ki, Hacızadə 2022-ci ilin noyabrında İranın ilk hipersəs ballistik raketini hazırladığını açıqlayıb . Onun sözlərinə görə, raket bütün HHM sistemlərindən keçəcək.